الرئيسية
أحدث الصور
من طرف في الاجازه السابقة حصل لي موقف طريف وفيه عظه انو الواحد يلملم قصبو ويرجع البلد في احد أيام الاجازه وإنا في مدني تحركت انا وشقي الأكبر من مايو إلي السوق وشقي الأكبر ده محبوب لده الجميع واصلو هو صاحب ركشه وملقب بعوض صرخة ومن مايو لمن وصلني السوق الشباب البيقابلو يشيل ويكورك ليهو ياصرخه وهو يرد ياحبيب صرخه حتي ولدو الأولاد في الحي يكوروكو ليهو ياصرخه وهو مثل أبوه يرد عليهم ياحبيب صرخه المهم في الموضوع قال لي شنو رائك نمشي نشرب شاي مكرب من جنب نادي الاتحاد بيني وبينكم انا كنت في حوجه لهذا الشاي آها نسيت اصف ليكم كنت لابس كيف واصلو أخوكم عامل مغترب وفي إذني اسع أصداء الغنية البت قول يامغترب سنتين ويا ضابط بدبرتين المهم لابس ليك ديك يالجلابيه البيضه مكويه والشال في الكتف الشمال وديك يالساعه وعامل نفسي شايل ليك داك الجوال الماخمج وواهم نفسي بالاغتراب اها يأهل الخير جلسنا في الكراسي ياحليل زمان البنابر مكان ستات الشاي فاختر أخي واحده وطلب منا شاي صاموتي وانا طلبت كركدي عشان قالو بينزل الضغط طبعا اخي كان جالس يلبس كما البس جلابيه وطاقيه ونتجاذب إطراف الحديث بس فجاء ست الشاي قالت ليهو هووووووووووي انت مغترب وين وحساب عندك ولاعند الفرده داك المهم بلعتها في صمت خشمي وقالت ليه أخوك ده قاصداني انا شغال هنا في مدني ولا الحصاحيصا عشان كنا بنتكلم عن الحصاحيصا ودي صفعه ثانيه المهم اخي عشان يدارك الموقف شافني حبكته وهو كاتم الضاحكة قال ليها انا ما مغترب بس انا عندي ركشه لكن اخوي دع مغترب في السعودية ولكن بداءت افتش في نفسي ياربي ست الشاي دي شافت فينو شنو اها وانا بقعار عيني شفتها مصت الملح وحركة قدومه يمنةً ويسره وجاءت الطامة الكبري عندما رنه جوالي وفي نفس اللحظة رنه جوالها تقول توارد خواطر وبطرف عيني كحلت جوالها كنت بفتش في طريقه ما تشوف جوال لانو جواله اسكتو سااااااااااااااي ذي مابيقولو ناس مدني شده وغسيل عده شديد شدة الحمار القرش القله ولكن محاولاتي باءت بالفشل زولتنا لمحت جوالي وقالت اها يامغترب جوالك ما التمساح عاد ماكشفه وعينته لاخوي لقيتو ميت من الضحك وعرفت انو الجوالات في السودان ليها مسميات علي حسب الوجاه وادناه تلاتين حشره اقصد 3310 طبعا جوال اخوكم طلع من زمن الانجليز انجليز شنو ده من سنة حفروا البحر المهم زولتكم قالت لينا بسرعة يافرد اصلو الجلسة دي انا ساوها لبتاعين الاتوس والركشات ما ......... عرفتها قاصده شنو قالت اها يافرده كدي سوليك اتوس عشان يكون عندك جوال صاح اها ياخواني دحين ست الشاي دي ماوصلت للمغتربين رسالة اها فوتكم بعافية سلملم
بحـث
المواضيع الأخيرة
منتدى
منتدى
منتدى
2 مشترك
حكايتي مع ست الشاي
المدير الاداري- Admin
- عدد الرسائل : 56
العمر : 51
الموقع : https://salah.roo7.biz
العمل/الترفيه : مدير حسابات
تاريخ التسجيل : 09/06/2008
ابو الفاضل- مشرف المنتدي الاسلامي
- عدد الرسائل : 5
العمر : 43
الموقع : https://salah.roo7.biz
العمل/الترفيه : اعمل لدى شركه المجموعه الخليجيه المتحده
المزاج : حسب التايم ممكن معكر وممكن مبسوط
تاريخ التسجيل : 11/06/2008
لكن ست الشاى ختتو معاك قرض :P :P :P :P :P :P
» تكوين اسرتنا الجميلة ال أحمد عبدالكريم
» رسالة الي كل الاهل والاحباب
» مَا احْوَجْنا ايُّهَا الاحْبَاب
» اوراق مبعثرة (2) اليك اكتب
» حكايتي مع ست الشاي
» ابداء يومك بالصلاة علي النبي صلي الله عليه وسلم
» أخطاء إدارية للدكتور طارق السويدان ...!!!
» الجابرية للشاعر حميد